Driving Licence dilnaa 'mininum education' rule tibo dawn

Ministry of Road Transport and Highways chuan driving licence dilnaa mininum educational qualification ngai ṭhin chu a tibo dawn. 

Ministry thuchhuah chuan Central Motor Vehicles 1989 Rule 8 siamṭhatna leh hemi chungchanga hriattirna siam chu tihchhuah thuai a ni dawn tih a sawi. Central Motor Vehicle Rules 1989 hman mekah hian transport vehicle driver chuan Class 8 a pass a ngai a ni. 

Mininum education rule hi tihbo a nih chuan ṭhalai hna nei lo tam tak tan hna a siamsak thei dawn a, hei hian transport and logistics sector-a driver indaih lohna, nuai 22 dawn ni mek chu eng emaw chen a phuhru thei dawn tih ministry thuchhuah chuan a tarlang bawk. Ramchhung hmun hrang hrang, a bikin thingtlang lamah zirna ina kal mumal lo, mahse ziak leh chhiar thiam, kut themthiamna ṭha tak nei tam tak an awm a, heng mite tan hian hun remchang hawnsak an ni thei dawn a ni, a ti.