Telangana CM-in Irrigation scheme lian ber a hawng

Khawvela multi-stage lift irrigation scheme lian ber nia sawi, Kaleshwaram project chu nimin khan Telan­gana chief minister K Chan­drasekhar Rao chuan Jayashankar-Bhupalpalli district-a Medigadda-ah a hawng. 

Kaleshwaram lift irriga­tion project thawhna atana sum ruahman hi a tirah chuan cheng vaibelchhe 81,000 ruahman a ni a, mahse a hnuah cheng vaibelchhe 92,000-ah tihsan leh a ni. 

Project hawnnaah hian Telangana leh Andhra Pra­desh governor ESL Narasi­mhan, Maharashtra chief minister Devendra Fadnavis leh Andhra Pradesh chief minister YS Jagan Mohan Reddy-te pawh an tel. 

KCR chuan a kaihhruai sorkar chuan project dang lian tak tak pawh a la thawh tur thu a sawi a, tuna an project thawhna tur atan hian sorkar laipui chuan pawisa pakhat pawh a pe lo tih a sawi. State ṭhenawm, Andhra Pradesh leh Maha­rashtra chief minister-te chu inlaichinna ṭha tak an neih avangin lawmthu a hrilh nghal  bawk. 

State sorkar chuan he project thawhna atan hian ram acre 50,000 zeta zau a hmang a, heng ram neitute hnenah zángnadawmna a pek chhuah chu cheng vai­bel­chhe 8,500 a tling bawk.