BJP-in J&K Assembly term tihtlem duh

Prime Minister Naren­dra Modi-a'n 'one nation one election' kalpui theih dan a buaipui mek a, hei vang hian Jammu and Kashmir-a Bharatiya Janata Party (BJP) pawhin an state assembly term, kum ruk chu kum ngaa tihtlem an duh. 

J&K BJP leader leh deputy chief minister hlui Kavinder Gupta chuan ram chhung state dangte ang bawkin an state assembly term chu kum nga a ni ve tur a ni, a ti. Hei bakah hian Parliament-in ram chhung hmun danga hman tura dan a siam ang chu an state pawhin an nei ve tur a ni, a ti. 

Gupta-a chuan central sorkar pawhin J&K assem­bly term tihtlem tumna hi a nei tawh a ni tiin, "Assembly inthlan lo awm turah kan party kan chak a nih chuan, state dang angin assembly term kum ngaa siamna tur dan kan pass ngei ang," tiin a sawi. 

J&K hi President Rule hnuaiah a awm bawk a, member 87 awmna Assembly inthlan hi kumin kumtawp lamah neih a nih rin a ni.