PM-in March 26-ah Bangladesh a tlawh dawn

Prime minister Narendra Modi chuan March 26 hian Bangladesh a tlawh dawn a, an ramin zalenna a neih kum 50-na lawmpui turin a kal dawn a ni.

Narendra Modi hi ni hnih chhung Bangladesh-ah hian a cham dawn a, hei hi thla 15 hnua ram danga a zin lehna hmasa ber tur niin, Bangladesh prime minister Sheikh Haisna kaihhruai sorkarin Dhaka-a Bangladesh zalenna lawmna an neihna turah khuallian a ni ang.

Modi hian nimin khan India leh Bangladesh inkara lei dawh 'Maitri Setu' chu video conference kaltlangin a hawng bawk a ni.

Prime Minister zin tur atana lo inbuatsaihin, kar liam ta khan external affairs minister S Jaishankar chuan Dhaka hi a lo tlawh tawh bawk. Modi-an Bangladesh a tlawh tur chu  ram pahnihte tana thil chhinchhiah tlak, hriatreng tur a ni dawn a ni, tiin, an inlaichinna pawh a ngheh zual zel tur thu a sawi.