Damdawi-inah Lalu enkawl chhunzawm a la ngai

Bihar Chief Minister hlui leh Rashtriya Janata Dal (RJD) party hotu Lalu Prasad Yadav chu a taksa peng ṭhenkhatten hna an thawh ṭhat loh vangin damdawi-inah enkawl chhunzawm a la ngai a, jail-ah sawn a la ni mai dawn lo nia sawi a ni. 

Lalu hi eiruk thubuai avangin thiam loh chantir a ni a, jail-ah tantir a ni. Mahse a hrisel loh avangin Ranchi-a damdawi-inah enkawl mek a ni. Amah enkawltu Dr DK Jha chuan Lalu hi a kal leh lung-ten  hna an thawk chak lo a, nikhatah damdawi 18 zet te pek a la ngai a, dam­dawi-a enkawl reng ngai a la nih vangin jail-a sawn mai chi a la ni lo tih a sawi. 

Political party hruaitu eng emaw zatin Lalu hi an kan a, mahse thuneitute thupek angin Lalu hi Inrinni apiangah mi pathum zelin an hmuh phalsak a ni. Hei pawh hi a hmaa phalna an lak hmasak phawt a ngai.