CJI-in PM hnenah Supreme Court Judge zat tipung turin a ngen
Chief Justice of India (CJI) Ranjan Gogoi chuan Prime Minister Narendra Modi hnenah lehkha thawnin, Supreme Court judge awm zat chu tipung turin a ngen. CJI hian High Court judge-te pension kum chu kum 65-ah tisang turin a ngen nghal bawk.
Chief Justice hian PM hnenah hian lehkha pathum a thawn a, Supreme Court-ah case tihkhawtlai 58,000 zet a awm tih sawiin, nitin thubuai thar a awm reng avangin thubuai tihkhawtlai hi a pung chho zel tih a sawi. Judge indaih lohna vangin case pawimawh bik ngaihtuahtu tur constitution bench siam tura tih ang zat pawh siam a ni lo tih a sawi.
PM hnena lehkha a thawnah hian CJI chuan, "Kum 1988 khan SC judge zat hi 18 aṭangin 26-ah tipun a ni a, kum sawmhnih hnu kum 2009 khan 31-ah tipun a ni leh a ni," a ti. Supreme Court-in chak zawka hna a thawh theihna tura judge awm zat tihpun chungchang chu a ngaih pawimawh hmasak zingah dah turin PM chu a ngen a ni.