IAF-in AN-32 aircraft A hmang chhunzawm zel dawn

Air Chief Marshal Birender Singh Dhanoa chuan Indian Air Force (IAF) chuan transport aircraft Antonov AN-32 chu a thlakna dang a awm loh vangin an la hmang chhun­zawm dawn tih a sawi. 

Arunachal Pradesh-ah tun thla tir khan Indian Air Force (IAF) thlawhtheihna, AN-32 chu tlain a chhunga chuang mi 13-te chu an thi vek a, thlawhtheihna tlak aṭanga ni 17 hnuah ruang hi lakchhuah chauh a ni. Thlawhtheihna black box hi a chhiat tel vangin an chetsual chhan tak hi hriat theih a ni lo.

Vanduaina thlen hnu hian AN-32 aircraft sawi­selna hi a awm leh ṭhin a, mahse IAF hotu chuan transport aircraft thlakna dang an neih loh vangin tlang ramah pawh hman chhunzawm a la ngai tih a sawi.