Rajasthan-in solar power plant din dawn

Rajasthan Assembly session neih mekah, Energy Minister B D Kalla chuan kum 2024-25 chhungin Rajasthan-ah Ni aṭanga chakna tha hrui MEGAWATT 30,000 siamchhuak thei tur solar power plant an din tur thu a sawi.

B D Kalla hian Assembly session neih meka zawhna leh chhanna hunah (Question Hour) BJP legislator Arjun Lal Jingar zawhna chu chhangin, ramchhunga Ni hmanga chakna tha­hrui hman tam a nih theih nan state sorkar chuan Solar Energy Policy-2019-a duan thu a sawi. Solar power plant MW 30,000 siamchhuak thei tur kum 2024-25 chhungin Rajasthan-ah din an tum thu a sawi a ni.

Grid-connected hmanga solar power plant emaw solar park aṭanga  MW 24,000 siamchhuak thei tur din tura ruahman a ni a, solar power plant MW 4,000 siamchhuak thei tur chu decentralised tum a nih bakah, solar rooftop leh solar pump aṭanga MW 1,000 siamchhuak thei turte chu ruahman a nih thu Kalla chuan a sawi bawk.