Wuhan aṭangin India mi leh ramdang mi hruai kir
Indian Air Force (IAF) hmalaknain Nilaini khan Covid19 hri darh chhuahna hmun, China-a Wuhan khua aṭangin, India mi leh ramdang mite lak chhuak an ni.
Wuhan-ah hian IAF C-17 Globemaster III transport aircraft hmangin, India mi 76, Bangladesh 23, China 6, Myanmar leh Maldives aṭang pahnih ve ve, South Africa, US leh Madagascar aṭang pakhat ṭheuh lakchhuah an ni.
Heng an lakchhuakte hi nimin zing khan India-a rawn phurh thlen an ni a, an vaiin mi 122 an ni. An hriselna enzui turin Delhi kianga Manesar hmuna Army ITBP Quarantine facility leh quarantine facility dangah dah nghal an ni. An hriselna dinhmunte enfiahin, Covid 19 laka hian an him tawk tih finfiah an ni a, hemi hnu hian an in lama hawn tir an ni.