AAI Chairman-in NE airport project enpui

Airports Authority of India (AAI) chairman, Arvind Singh chuan Nilaini khan Guwahati-a AAI regional headquarters a tlawh a, NE airport project hrang hrang kalpui mek chu review meeting a neihpui. 

Review meeting-ah hian Guwahati, Agartala, Imphal, Dibrugarh, Silchar, Jorhat, Shillong leh Dimapur airport dirctor te an tel. Airport-a passenger facility tihlen dan te, terminal building zauh dan turte an sawiho a ni. 

Arvind Singh hian mee­ting zawhah Assam chief secretary Kumar Sanjay Krishna hmuin, Assam-a avia­tion lam kaihhnawih infra­structure leh project siam turte a sawipui bawk. 

Guwahati-a Lokpriya Gopinath Bordoloi Interna­tional (LGBI) Airport hi hmarchhak bial tana kawt­chhuah pawimawh niin, kum 2019 khan he airport-in khualzin a dawn chu maktaduai ruk an tling a, kuminah maktaduai 15 ah an pun theih beisei a nih thu Singh chuan a sawi. 

AAI chuan LGBI Airport-ah hian world class passenger terminal building thar tur a sa mek tih sawiin, kum 2021-ah hman theih a beisei thu Singh chuan a sawi. AAI chairman hian airport terminal building thar sak mek hi a hmunah a tlawh nghal bawk a ni.