Mamata-i'n one-on-one debate neihpuiah PM a cho

West Bengal chief minister, Trinamool Congress hruaitu Mamata Banerjee chuan prime minister Narendra Modi chu a mala debate neihpuiah a cho. 

State assembly inthlan neih turah party hrang hrangte an campaign ngawrh tawh hle a, PM Modi pawhin Pathianni khan Kolkata-a Brigade Ground Parade-a BJP-in mega rally a buatsaihah thu a sawi a ni. Hemi ni vek hian Chief Minister hian north Bengal-ah roadshow a lo nei ve bawk. 

Modi hian CM Mamata Banerjee chu hnung lam aṭanga state mipuite beitu niin a puh a, TMC in state mipuite laka infiamna a kalpui chu a tawp tawh dawn a, hmasawnna tak tak a thleng ve ṭan thei dawn tawh niin a sawi. "Bengal mipuiten Didi (Mamata) lakah  rinna an lo nghat tawh a, mahse an rinna hi Didi leh a pawlte chuan an tihchhiatsak a, Bengal chu an hmusit a ni. Keini hian Bengal hi kan din thar leh dawn," tiin a sawi. 

Bengal Chief Minister hian PM Modi thusawi hi chhangin, Modi chu thu ziahsa sawi chhuak mai ṭhinah a puh. "Bengal mipuite nena inzawmna tak tak siam a duh lo a, thu ziaksa a chhiar mai ṭhin. Hun rei tak kan lo tuar tawh a, mahse PM hian dawt a sawi hnem ta lutuk a ni. Eng thil mah hi a hre tak tak lo," tiin, Modi chu one-on-one debate neihpuiah a cho reng thu a sawi a, debate nei tur hian a hun leh a hmunte thlang turin a ti nghal bawk.