G20 summit hmang turin PM a zin

Prime Minister Narendra Modi chuan G20 summit hmang turin nimin khan Japan a thleng. Summit neih kar lakah hian ram dang hruaitu eng emaw zat a kawm ang. 

PM Modi hian G20 Summit a hman ṭum rukna tur a ni. Tun ṭum summit hi vawiin leh naktuk hian Osaka, Japan-ah neih a ni dawn a ni. Japan pana a chhuah hma­in PM chuan summit huna a ngaih pawimawh turte chu hmeichhiate thuam chak chungchang te, artificial intelli­gence leh firfiaka chetna thleng ṭhin do let dan chungchangte a nih thu a sawi. Summit chu India-in kum nga kal ta chhunga hmasawnna kawng tawnhriat ṭha tak tak a lo neihte pholanna remchang a nih tur thu a sawi bawk. 

Osaka-a ni hnih awh summit neih tur chu kum 2022-a summit thlengtu tur, India tan pawh hmasawnna inzirna pawimawh tak a ni dawn tih a sawi. Summit denchhena ramdang hruaitute nena thawhdunna leh khawvel huap pawha thil pawimawh tak tak sawina hun an nei tur chu lawmawm a tih thu leh, a nghahhlelh thu a sawi. Modi hian summit karlakah US President Donald Trump, China President Xi Jinping, Russia President Vladimir Putin leh hruaitu dangte a hmu dawn a ni.