Sitharaman-i'n PM hlui Manmohan Singh hmu

Union finance minister Nirmala Sitharaman chuan nimin khan prime minister hlui leh Congress hruaitu Manmohan Singh chu Delhi-a a chenna inah a hmu. An inhmuh chhan tak erawh sawi chian a ni lo. 

Finance Minister hian July 5 hian a vawi khatna turin Parliament-ah union budget a pharh dawn a ni. Manmohan Singh hi economist ṭha tia hriat a ni a, PM hlui Narasimha Rao kaihhruai sorkarah khan finance minister pawh a lo ni tawh a ni. Finance minister a nih lai, kum 1991-a ram economy siamṭhatna tur a kalpui avangin hriat pawh a hlawh zual phah hle.

Kum 86 mi, Manmohan Singh hi tun thla tir lam khan Rajya Sabha member a nihna term a tawp tak vangin budget session lai pawhin Parliament-ah a awm ve dawn ta lo a ni.