RBI-in bank-te pawisa thir pawm vek turin a hrilh

Reserve Bank of India (RBI) chuan bank ṭhenkhatten pawisa thir an dawng duh lo tia complaint a awm avangin ramchhunga bank hrang hrangte chu pawisa thir eng pawh pawm vek turin a hriattir. 

RBI chuan mipuite pawh hlauthawng lo tura tiin, pawisa thirte chu pawm a, hman chhunzawm zel turin a ti a ni. Pawisa thir hman mekte hi 50 paise, Rs. 1, Rs. 2, Rs. 5 leh Rs. 10 thirte an ni a, hetihlai hian dawr leh bank ṭhenkhatte chuan pawisa thir hi an dawng ṭha duh lo nia sawi a ni. Hei vang hian RBI chuan bank hrang hrangte chu an pawisa thir thleng tura kalte tumah lo hnar lo turin a ti.