BJP-in hnehna a chan hunah TMC lawmaker-te an bang vek ang : PM Modi

Prime Minister Narendra Modi chuan West Bengal Chief Minister Mamata Banerjee-i party, Trinamool Congress party MLA te chuan an bepawp vek tih sawiin, kumin Lok Sabha inthlana BJP-in ropui taka hnehna a chan leh hunah TMC MLA te chu an bang vek dawn niin a sawi. 

West Bengal-a Sreeram­pur-a rally a neihnaah PM chuan Bengal CM tan he thu hi a sawi a, "Didi, May 23-a inthlan result a chhuah hunah chuan ramchhung hmun tinah Lotus hi a vul leh dawn a, i MLA te pawhin an tlanchhiatsan vek dawn che a ni. Vawiin thleng pawhin i MLA 40 te chuan min be reng a ni," a ti. 

PM Modi chuan TMC hotu chu West Bengal mipuite an vote thlak phal­sak loah a puh bawk. CM chu a thuneihna dik lo taka hmangah puhin, an state mipuite a phatsan avangin atan chuan inhaichhuah leh chu thil harsa tak a ni tawh dawn a ni, a ti. 

West Bengal-a TMC sorkar chu eiruknaa in hnamhnawih nasaah a puh bawk a, admission tih phalna nei tur pawhin mipuiten an sum an sen a ngai a, rorellai kalphung duh lohte chu khaihlum an ni mai a ni, tiin a sawi bawk.