CSL-in tuihnuai lawng siamna tur Rs vbch 6,311 contract hmu

Cochin Shipyard Limited (CSL) chuan Indian Navy hman tur, anti-submarine warfare shallow water crafts (ASWSWC) pariat siamna tur cheng vaibelchhe 6,311 contract a hmu a, Thawhlehni khan contract hi Defence Ministry nen an ziakfel. 

Ministry of Defence-in he project atana tender a tihchhuah chu CSL hian chhang huai berin an chang ta niin company thuchhuah chuan a tarlang. Tuihnuai lawng siam hmasak ber hi contract ziah ni aṭanga thla 42 chhungin Indian Navy kuta hlan hman tura tih a ni a, hemi hnu hian kum khatah lawng pahnih zel hlan tura tih a ni bawk. He project hi thla 84 chhunga zawh hman tura tih a ni. 

Defence Ministry hian Kol­kata-based state-run Garden Reach Shipbuilders and Engineers Limited (GRSE) hnenah ASWSWC pariat siamna tur contract chu Thawhṭanni khan a lo pe tawh bawk.