Gadchiroli attack : Tactical counter-offensive peng pakhat

Nilaini-a Maharsahtra-a Gadchiroli-a Maoist hel, Naxal-ten sipai-te lambuna mi 16 lai an thahna chu mithiamte chuan Naxal tactical counter-offensive campaign (TCOC) peng pakhat a nih thu an sawi.

Telangana-ah pawh Maoists helte hian Greyhound-te leh special party commando-te chu Charla bulah IED hmanga bomb an tum a, mahse an hlawhchham niin an sawi. Hemi hnu hian Left-wing extremist-te hian tum lian zawk an neih chhunzawm zel tih an sawi a, hei hi hruaitu thar an neih vang niin an sawi bawk.

Telangana Anti-Naxal Inte­lligence Agency-a special intelli­gence branch-a mithiamte chuan Gadchiroli-a inlambunna thleng  kha an zirchian hnuah TCOC peng pakhat a ni tih hi an hmuchhuak a ni. He inbeihna ruahmantu zingah hian Telangana mi Ashanna pawh a inhnamhnawih thu an sawi. Ashanna hi tunhnaiah Gadchiroli bul velah hian hmuh a ni thu tarlan a ni bawk.

Anti-Naxal Intelligence Agency-te chuan Naxal pawla Nambala Keshava Rao-a'n thuneihna a chan hnuah thil tenauah an inhnamhnawih tawh lo tih sawiin, MLA emaw, bomb tihpuah emaw lam an rilruk tawh niin an sawi.

Nilaini khan Gadchiroli-ah hian Naxal-te hian sipai convoy an lambun a, sipai 15 bakah driver pakhat a thi a ni.

Prime Minister Narendra Modi chuan Naxal-te chu na taka chhanlet an nih dawn thu sawiin, Union Home Minister Rajnath Singh pawhin mi dawizepte thiltih a nih thu a sawi tawh bawk.