Internal panel hmaah CJI a inlan

Chief Justice of India (CJI) Ranjan Gogoi chu mipat hmei­chhiatna lam hawia mawi lo taka chea puh a nih hnuah Nilaini khan judge pathum awmna panel hmaah a inlan.

Ranjan Gogoi hian Thawh­lehni khan panel hmaa inlan tura hriattirna hi a dawng a, Nilaini khan a inlan ta a ni. Tun hi mipat hmeichhiatna kaihhnawih thubuaia panel hmaa a inlan vawikhatna a ni. Panel-ah hian Justice SA Bobde, Indira Banerjee leh Indu Malhotra-te chu an ṭhu a ni.

CJI hi Supreme Court staff ṭhin, hmeichhe pakhat chuan a lakah mipat hmeichhiatna lam hawia mawi lo taka cheah a puh a ni.