India-in a vaccine siam dose vbc 5.85 thawn chhuak tawh

India chuan Made in India vaccine dose vaibelchhe 5.85 vel chu ram dang 70 dawnah a thawn chhuak tawh.

Vaccine a thawn chhuah zinga dose 80 dawn chu a thlawna a thawn chhuah niin hengte hi ram 35-ah a thawn chhuak a, dose vbc. 1.64 chu COVAX facility route hnuaiah ram 18-ah a thawn chhuak thung.

COVAX hnuaiah hian khawvel ram hmun thuma ṭhena hmun hnih chu inthlun zawmin Covid vaccine supply kawnga mumal taka hnathawh a nih theihna turin an inthlun zawm a ni. Ministry of External Affairs chuan dose vbc 3.39 chu ram 15-ah sumdawnna atan thawn chhuah a nih bawk thu an tarlang.

India hian thla khat leh achanve vel liam ta aṭang khan ram danga Covid vaccine supply-na tur ‘Vaccine Maitri’ chu a kalpui ṭan a, January 20 khan Bhutan, Maldives, Bangladesh, Nepal, Myanmar leh Seychelles-ahte a thawn chhuak hmasa ber a ni.