Sorkar hnathawkte election commisisoner an ni thei lo : SC

Supreme Court chuan election commissioner atan state leh central sorkar hnuaia thawkte ruat an ni thei lo tih sawiin, independent person an ni tur a ni, a ti. 

Justice Rhonton F Nariman leh BR Gavai awmna bench chuan, democracy rama election commission zalenna chu sawibuai a ni tur a ni lo tiin, election commisisoner atana sorkar official-te dah chu Constitution nuihzawhna a ni thei dawn a ni, a ti. State tin chuan election commissioner atan independent person chauh zel an ruat tur a ni, tiin a sawi. 

Supreme Court chuan Goa sorkarin municipal council inthlan neihnaa state election commissioner atana law secretary a ruat chungchang chu a sawisel nghal bawk.  Justice Nariman chuan Goa-a sorkar hnathawk, sorkarin a chhawr lai  mek hnena election commissioner charge pek a ni chu thil ṭha lo tak a ni, a ti.