EC-in vote thlak hun sawn hma tura ngenna hnawl

Election Commission chuan Islam-te chaw nghei thla, Ramzan chhunga Lok Sabha inthlan neihnaa vote thlak ṭan theih hun, zing dar 7 aṭanga zing dar 5-a sawn hma tura ngenna chu a hnawl. Ramzan thla hi vawiin, May 7 aṭang hian a inṭan dawn a ni. 

Vote thlak ṭan hun tihma tura ngenna hi advocate Mohammed Nizamuddin Pasha leh Asad Hayat-te chuan Supreme Court-ah an thlen a, mahse court chuan poll panel ngaihtuah tur hian a ti a ni. EC chuan he ngenna hi a ngaihtuah hnuah a hnawlsak.

Petition thehluttu Pasha hnena lehkha a thawnah, EC chuan vote thlak theih hun an ruat tawh chu mitin tana remchang vek a ni tih sawiin, a hun sawn hma chu a ṭul loa a ngaih thu a hrilh.