Naxal-te'n police thu hrilhtua puh mi 522 that

Maharashtra-a Gadchi­roli district-ah Naxal helte chuan mi 522-te chu police-te hnena thu hrilh ṭhinah puhin an that tih police-te chuan an sawi. 

Gadchiroli police thu­chhuah chuan Thawhṭanni zing khan Ettapali-ah mi pakhat ruang hmuh a nih thu leh, a hnuah an ruang chhar hi kum 42 mi, Sishir Mandal a nih thu a tarlang. 

Mandal hi police hnena thu hrilh ṭhin, police in­former pawh a ni lo tih an sawi bawk. Mandal hi Chhattisgarh-a Bande area-a cheng a ni a, Naxal ho a pui fo ṭhin. Mahse helpawl nen hian sum lama intihthiam lohna an neih avangin an that ta nia rin a ni. 

Police-te chuan Naxal-te hian mipuite chu thu dik lo hrilhin, mi tam tak chu police informer niin an puh a, hei vang hian pawisawi lo mi 522 an that tawh tih an sawi. Mahse heng mite  an thah hun chhung erawh an tarlang lo.