EC-in Irani-i thusawi a dik lo tih sawi

Uttar Pradesh-a Chief Electoral Officer (CEO) Lakku Venkateshwarlu chuan Union Minister Smriti Irani-i'n Amethi biala booth capturing awm nia a sawi chu thu dik lo a nih thu a sawi. 

Thawhṭanni khan Amethi bialah hian Lok Sabha inthlan neih a ni a, he bial candidate zingah hian Congress president Rahul Gandhi leh Smriti Irani te pawh an tel a ni. Vote thlak hnua social media lama video thehdarhah, pitar pakhat chuan he bial chhunga Gujar Tola area-a polling booth-a vote a thlak dawnin Congress vote luihtir a nih thu a sawi. Hei vang hian BJP candidate, Irani hian booth capturing a awm tih sawiin, complaint a thehlut zui a ni.

Congress chuan hei hi thu dik lo a nih thu leh, Irani chuan hnehna a chan dawn loh avangin chhuanlam a zawng mai mai niin an puh let thung. Mahse Election Commission chuan he video clip hi an chhui zui hnuah, thil thleng tak tak ni lo, siam chawp mai a nih thu a sawi a ni.