Maharashtra bank hnathawk 40,000 vel an nuar

United Forum of Bank Unions (UFBU) huaihawta Maharashtra-a sorkar hnuaia awm bank pahnih privatise duh loa nawrhnaah nimin khan bank hnathawk 40,000 vel lai an tel a, hemi avang hian Maharashtra-ah chuan bank service a buai hle.

Thla hmasa khan Union finance minister Nirmala Sitharaman chuan public sector banks (PSB) pahnih chu privatise a ni dawn tih a puang a, hei hi sorkarin fiscal awm leh turah union budget-a 'disinvestment plan' a siam zinga peng pakhat a nih thu a sawi. Hemi avang hian UFBU chuan nimin aṭang khan nawrh an huawihawt a, vawiin pawh hian nawrh hi an la chhunzawm dawn a ni.

UFBU Maharashtra Convenor Devidas Tuljapurka chuan bank branch 10,000 vel aṭangin hnathawk 40,000 vel lai chu nawrhnaah hian an tel tih a sawi. All India Bank Employees Association (AIBEA), All India Bank Officers' Confederation (AIBOC), National Confederation of Bank Employees (NCBE), All India Bank Officers' Association (AIBOA) leh Bank Employees Confederation of India (BEFI)-te chu UFBU member hi a ni.