Rahul-a'n thupha a chawi

Congress president Rahul Gandhi chuan nimin khan Supreme Court-ah affidavit thar a thehlut leh a, Prime Minister Narendra Modi leh Rafale deal-a Court thupek chung­chang a sawizawm avangin thupha a chawi. SC chuan Zirtawpniah hearing a nei leh ang. 

Rafale deal siam a nih dana thil fel tawk lo a awm thu a sawinaah, Rahul Gandhi hian PM Modi chungchang 'chowkidar rukru' tia a sawi chu Rafale deal-a court thupek siam pawhin a nemnghet a ni, a ti. Hei vang hian Congress president lakah hian petition thehluh a ni.

Rahul Gandhi hian a laka petition thehluh chungchang a chhanna, affidavit a thehluh hmasakah chuan a thusawi avanga pawi a tih thu a sawi a, mahse thupha chawina lam erawh a ziak lang lo. Chief Justice of India Ranjan Gogoi-a kaihhruai bench chuan Gandhi-a affi­davit thehluh hi an pawm lo a, hei vang hian nimin khan a tharin a thehlut leh a, a thusawi avang hian SC hnenah thupha a chawi ta a ni. Court chuan Rahul chu inhnialna chawk chhuak thei thil sawi tawh lo turin a ngen bawk. Affidavit a thehluh tharah hian Gandhi chuan a thusawi chu tum reng vanga sawi a nih loh thu pawh a tarlang. Rahul Gandhi-a laka petition thehluttu hi New Delhi parliamentary consti­tuency-a BJP MP nilai Meenakshi Lekhi a ni.