UK court-in Nirav Modi bail dilna hnawl leh

UK court chuan Punjab National Bank (PNB) sum tam tham tak tihchingpen saktu, lunghlua sumdawng lian Nirav Modi-a bail dilna chu Nilaini khan a hnawlsak leh. Hei hi Modi-a bail dilna a hnawl vawi thumna a ni. 

Nirav Modi hi March  thla khan man a ni a, man a nih hnuah Westminster Magistrates Court chuan bail-a dilna hi vawi hnih a lo hnawlsak tawh bawk. India rama thawn tura sorkar ngenna chu ngaihtuah a ni dawn thung. 

Nilainia Modi-a bail dilna ngaihtuahnaah hian a ukil, Clare Montgomery chuan Modi-a tanna, Wandsworth jail chu a hrehawmin a tan khawsak a harsa hle tih a sawi a, mahse chief magistrate Emma Arbuthnot chuan bail-a chhuah tir a ngam lo tih a sawi leh a ni. 

India rama Modi-a thawn kir tura ngenna hi May 30 aṭangin ngaihtuah ṭan a ni ang.