Indian Railways privatise a ni ngai lo ang : Piyush Goyal

Union railways minister Piyush Goyal chuan nimin khan Lok Sabha-ah Indian Railways chu privatise a ni ngai dawn lo tih a sawi a, mahse changtlung zawka kalpuina tur a nih erawh chuan 'private investment' erawh sawi mawi a ni dawn tih a sawi.

'Demands for Grants for Railways' chungchang an sawinaah Piyush Goyal chuan hemi chungchang hi sawiin kum hnih liam ta chhung khan rel accident avanga passenger thi an awm loh thu leh railway chuan passenger-te himna chu a ngaipawimawh hle tih a sawi bawk.

"Indian Railways hi privatise a ni ngai lo ang. India mi zawng zawngte ta a ni a, chutiang chu a ni reng bawk ang," tia sawiin India sorkar hnuaiah a awm reng dawn thu chiang takin a sawi a ni. Private sector leh public sector thawhdunna a awm loh chuan hmasawnna leh hna siam belhna a awm thei lo a ni, a ti.

Modi kaihhruai sorkar chuan 2021-22 fiscal year-ah hian railway-a investment chu Rs vbc nuai 2.15-ah a tipung tih sawiin kum 2019-20 fiscal-ah kha chuan Rs vbc nuai 1.5 a nih thu a sawi. "Passenger-te himna hi kan ngaituah a ni. Kum hnih liam ta chhung khan passenger thi an awm lo tih hi lawm takin ka sawi a, rel accident avanga thi an awm hnuhnun ber chu March 2019-ah khan a ni," a ti bawk.