Cyclone Fani tuarte tan Rs vbch 1,600 pe dawn
Odisha state sorkar chuan an state chhunga Cyclone Fani tuartute chhawmdawlna atan cheng vaibelchhe 1,600 a pe dawn tih a puang.
May 3-a Odisha-a thlipui tlehin chhiatna a thlenah hian mi 43 an thi a, thlai chinna ram zau tak a chhia a, sangha mantuten harsatna nasa tak an tawh phah bawk. Chief Minister Naveen Patnaik chuan thlipui tleh vanga harsatna tawk, loneitu, sangha mantu leh midangte chhawmdawlna pek a nih tur hi a puang a ni. Thlipui leh ruahsur nasain ram a tihchhiat, non-irrigated area-ah hectare khatah Rs. 6,800 zel, thlai chinna ramah hectare khatah Rs. 13,500 zel leh, thlai kumhlun chi chinna ramah hectare khatah Rs. 18,000 zel chhawmdawlna pek an ni ang. Hemi rual hian he chhawmdawlna hi loneitu, an thlai chin 22% chin hlohte hnenah chauh pek a ni ang.
Kuhva chingtute hnenah chhawmdawlna Rs. 15,000 zel pek an ni dawn a, pa (mushroom) chinna hmun, thlipuiin a tihchhiat sakte hnenah Rs. 40,000 pek an ni ang. Balhla hmun a tihchhiat sakte hnenah hectare khatah Rs. 25,000 zel pek an ni dawn bawk.
Ran vulhtu, thlipui tleh avanga an bawng leh lawi chante hnenah pakhat zelah Rs. 30,000, sakawr leh sabengtung chante hnenah pakhatah Rs. 25,000 leh kel chante hnenah pakhatah Rs. 3,000 zel pek an ni ang. Sangha dil siamte chu ram hectare khatah Rs. 12,000 zel chhawmdawlna pek an ni dawn bawk.
Ran vulhtu, thlipui tleh avanga an bawng leh lawi chante hnenah pakhat zelah Rs. 30,000, sakawr leh sabengtung chante hnenah pakhatah Rs. 25,000 leh kel chante hnenah pakhatah Rs. 3,000 zel pek an ni ang. Sangha dil siamte chu ram hectare khatah Rs. 12,000 zel chhawmdawlna pek an ni dawn bawk.
State sorkar chuan thlipui tlehna biala women self help group-te chu Rs. 10,000 ṭheuh pek a tum bawk a, common facility centre 268 hnenah Rs. nuai li ṭheuh pek an ni bawk ang. Chief Minister chuan Fani thlipui tlehna biala sorkar school hrang hrangah zirlai naupangte chu examination fee awltir an ni dawn tih a puang. School naupangte hnenah hian school uniform pair hnih sem a ni dawn bawk.
CM chuan thlipui tuarte ṭanpuina pe duhte tana thawhhlawm thawh theihna tur web portal, rebuild.odisha.gov.in a hawng bawk. He portal kaltlang hian thlipuiin thil a tihchhiat hrang hrangte din thar lehna turin sum a pek theih a ni.
CM chuan thlipui tuarte ṭanpuina pe duhte tana thawhhlawm thawh theihna tur web portal, rebuild.odisha.gov.in a hawng bawk. He portal kaltlang hian thlipuiin thil a tihchhiat hrang hrangte din thar lehna turin sum a pek theih a ni.