Vice President leh Vietnam PM inkawm

Vice President Venkai­ah Naidu chuan Inrinni khan Vietnam khawpui, Hanoi-ah Vietnam Prime Minister Nguyen Xuan Phuc a hmu. 

Ram hruaitu pahnihte hian ram pahnihten thawh­dunna ṭha leh nghet zawk an neih theih dante an sawi dun a, boruak muanawm leh him siam dan turte pawh an sawi a ni. 

Venkaiah Naidu chuan India leh Vietnam ramten inṭhianṭhatna nghet tak an neih thu te, kawng hrang hranga an thawhdunnain hma a sawn dante a sawi. Naidu chuan satellite siamna kawngah India chuan Vietnam ram thawhpui a inhuam thu pawh a hrilh. 

Vice President hi ni li cham turin Vietnam-ah hian a zin a, Hanoi-a Indian Embassy-a Jaipur Artificial Limb Fitment camp hawnna inkhawm pawh a hmanpui a ni. Embassy-a Mahatma Gandhi limah zahna pang­­par a dah bawk.