Delhi CEO-in NaMo TV lakah hriattirna pe

Delhi chief electoral officer chuan Prime Minister Narendra Modi hminga TV channel siam, NaMo TV-ah inthlan kaihhnawih thil a tihchhuah avangin Model Code of Conduct (MCC) palzutah puhin BJP hnenah hriattirna a pe. 

Pathianni khan Delhi-a Lok Sabha bial pasarih-ah inthlanna neih a ni. Hei vang hian Zirtawpni zan dar 6 aṭanga Pathianni zan dar 6 thleng chu silence period atana puan a ni a, hemi chhung hian TV, chanchinbu leh social media lamah inthlan kaihhnawih thil engmah tihchhuah phal a ni lo. Mahse silence period hman a nih hnuah NaMo TV hian inthlan kaihnhnawih thil a tichhuak lui nia puh a ni. 

Zirtawpni zan khan CEO Ranbir Singh chuan BJP hnenah MCC bawhchhiat chungchangah hriattirna hi a pe a, insawifiah tura hriattir a ni. Election Commission chuan April thla khan NaMo TV-a programme zawng zawng chu tihchhuah a nih hmain phalna a nei hmasa phawt tur a ni tih a lo sawi tawh. Hemi hnu hian Delhi poll body chuan BJP hnenah phalna an pek loh chu engmah tichhuak lo turin a hrilh ve leh bawk. 

Delhi CEO chuan NaMo TV chu BJP enkawl a nih avangin programme tihchhuah turte chu Delhi poll body-a media certification and monitoring committee-in phalna a pek hmasak phawt a ngai a ni, a ti.