Greater Noida-ah ruihhlo Rs vbch 25 hu man

Narcotic Control Bureau (NCB) chuan kar kal ta Inrinni khan Greater Noida-ah pseudoephedrine kg 1,800 chuang leh cocaine kg hnih a man. Ruihhlo man hi cheng vaibelchhe 25 man hu nia chhut a ni. Ruihhlo neitu nia rinhlelh ram dang mi pathum an man tel bawk. 

Noida police chuan ruihhlo neitu nia rinhlelhte hi IPS officer, Lucknow-a Economic Offences Wing-a thawk mek in luahte an ni tih an sawi. May 9-a Indira Gandhi International Airport-a South Africa mi hmeichhe pakhat, pseudoephedrine kg 24.7 zet kawltu an man thu an zawhfiah aṭangin Greater Noida-a ruihhlo thuhrukna hi an hre thei tih an sawi a ni. 

Mi pathum an mante hi Nigeria mi an ni a, mipa pahnih leh hmeichhe pakhat a ni.