Lok Sabha inthlan thawh sarihna State 8-a constituency 50-ah vote thlak dawn
Lok Sabha inthlanpui neih meka a thawh sarihna leh hnuhnung ber tur chu Pathianni, May 19 hian neih a ni dawn.
Inthlan thawh sarihna hi state pasarih leh UT pakhata constituency 59-ah neih a ni dawn a, inthlan neihna tur state-te chu Bihar (8), Jharkhand (3), Madhya Pradesh (8), Punjab (13), West Bengal (9), Chandigarh (1), Uttar Pradesh (13) leh Himachal Pradesh (4) a ni.
Pathiannia inthlan neihna tur bial 59-ah hian candidate 918 an awm a, an zingah hian hmeichhia 96 an tel. Vote nei mi vaibelchhe ruk chuang an awm a ni. Candidate zingah hian Varanasi biala ding Prime Minister Narendra Modi, Congress party hruaitu leh Lok Sabha Speaker hlui Meira Kumar-te an tel. Candidate zingah hian MP nilai 24 an tel bawk.
Pathiannia inthlan neihna tur bial 59-ah hian candidate 918 an awm a, an zingah hian hmeichhia 96 an tel. Vote nei mi vaibelchhe ruk chuang an awm a ni. Candidate zingah hian Varanasi biala ding Prime Minister Narendra Modi, Congress party hruaitu leh Lok Sabha Speaker hlui Meira Kumar-te an tel. Candidate zingah hian MP nilai 24 an tel bawk.
Association for Democratic Reforms (ADR) chuan candidate 918 zinga 909-te affidavit a zirchianna aṭangin, mi 170 chu criminal case neilai an ni. Candidate 12 chuan tualthah thubuai an nei a, 34-in tualthah tuma puhna thubuai an nei mek bawk. Candidate pasarih chu mi rukbo kaihhnawihah thubuai neilai an ni bawk a, hmeichhe chunga pawikhawihna thlen kaihhnawihah candidate 21 ten thubuai an nei mek bawk a ni.
Inthlan neihna tur bial 59 zinga bial 33 chu red alert constituency-ah puan a ni a, heng bialahte hian candidate zingah pathum aia tamin criminal case an nei a ni. Candidate zinga 278 (31%) chu cheng vaibelchhe khat aia tam nei an ni a, party lian zingah Congress candidate 45-te sum neih chu chawhrualin cheng vaibelchhe 17.15 a ni a, BJP candidate 43-te hausakna chu chawhrualin cheng vaibelchhe 9.82, BSP candidate 39-te hausakna chawhrual chu cheng vaibelchhe 5.25 leh AAP candidate 14-te sum neih chu chawhrualin cheng vaibelchhe 5.20 a ni bawk. Inthlan thawh sarihna neih tura candidate zingah Bihar-a Pataliputra constituency-a independent candidate Ramesh Kumar Sharma chu a hausa ber a, cheng vaibelchhe 1,000 chuang a nei. Candidate hausa zual zingah hian Bollywood-actor-turned-politician Shatrugan Sinha leh Punjab chief minister hlui Sukhbir Singh Badal leh a nupui Harsimrat Kaur Badal-te an tel.
Inthlan thawh sarihna neih tura candidate zingah hian ziak leh chhiar thiam lo mi 24 an awm. Class 5 - 12 inkar mi 401 an awm a, graduate 172, post graduate 158 leh doctorate 27 an awm. Hetih lai hian candidate 29 chu an zir chin tarlang lo a, ziak leh chhiar thiam ti chauha inziak an ni.
Candidate zingah hian kum 25-30 inkar mi 64 an awm a, kum 31-40 inkar mi 224, kum 41-50 inkar mi 249, kum 51-60 inkar 171, kum 61- 70 inkar 162, kum 71-80 inkar mi 33, kum 81-100 inkar pathum an awm a, candidate pathumte chuan an kum zat an tarlang lo thung.
Pathiannia inthlanna neihna tur bial 59-ah hian kum 2014 inthlanpuiah khan Bharatiya Janata Party (BJP) leh a thawhpuite chuan seat 40 an la a, Trinamool Congress-in seat kua, Aam Aadmi Party-in seat 4 leh Congress-in seat thum an la a ni. Lok Sabha inthlan, thawh sariha neih tur hi April 11 aṭang khan neih ṭan a ni a, Pathianni hian zawhfel a ni dawn ta a ni. May 23-ah ram pumah vote tlate hi chhiarin inthlan result hi puan a ni ang.
State 22 leh Union Territory-ahte chuan inthlan hi thawh khata zawhfel a ni a, hetihlai hian Bihar, Uttar Pradesh leh West Bengal-ah chuan thawh sarihah hian vote an thlak tel vek a ni. Maharashtra, Madhya Pradesh, Jharkhand leh Odisha-ah chuan inthlan hi thawh li a kalpui a ni a, Assam leh Chhattisgarh-ah thawh thumin vote thlak a ni. Karnataka, Manipur, Tripura leh Rajasthan-ah chuan inthlan hi thawh hnihin an nei bawk.
Inthlan thawh sarihna neihna tur te:-
Bihar
Bihar-a bial pariatah inthlan neih a ni dawn a, candidate 157 an awm.
Himachal Pradesh
Himachal Pradesh-a Lok Sabha bial pali-ah vote thlak a ni dawn a, candidate 45 an awm.
Jharkhand
Jharkhand-a bial pathumah inthlan a ni dawn a, candidate 42 an awm a ni.
Madhya Pradesh
Madhya Pradesh-a Lok Sabha bial pariatah vote thlak a ni dawn a, candidate 82 an awm.
Punjab
Punjab-a bial 13-ah inthlan neih a ni dawn a, candidate 278 an awm.
Uttar Pradesh
Uttar Pradesh-a Lok Sabha bial 13-ah inthlan thawh sarihna hi neih a ni dawn a, candidate 167 an awm.
West Bengal
West Bengal bial pakuaah inthlanna neih a ni dawn a, candidate 111 an awm.
Chandigarh
Chandigarh-ah inthlan thawh sarihna hi bial pakhatah neih a ni dawn a, candidate 36 an awm a ni.
Bihar
Bihar-a bial pariatah inthlan neih a ni dawn a, candidate 157 an awm.
Himachal Pradesh
Himachal Pradesh-a Lok Sabha bial pali-ah vote thlak a ni dawn a, candidate 45 an awm.
Jharkhand
Jharkhand-a bial pathumah inthlan a ni dawn a, candidate 42 an awm a ni.
Madhya Pradesh
Madhya Pradesh-a Lok Sabha bial pariatah vote thlak a ni dawn a, candidate 82 an awm.
Punjab
Punjab-a bial 13-ah inthlan neih a ni dawn a, candidate 278 an awm.
Uttar Pradesh
Uttar Pradesh-a Lok Sabha bial 13-ah inthlan thawh sarihna hi neih a ni dawn a, candidate 167 an awm.
West Bengal
West Bengal bial pakuaah inthlanna neih a ni dawn a, candidate 111 an awm.
Chandigarh
Chandigarh-ah inthlan thawh sarihna hi bial pakhatah neih a ni dawn a, candidate 36 an awm a ni.
April 11-ah inthlan thawh khatna hi state 20-a constituency 91-ah neih a ni a, vote 69.43% a tla.
April 18-ah inthlan thawh hnihna neih a ni a, state 13-a constituency 97-ah vote thlak a ni. Vote 67.84% a tla.
April 23-ah inthlan thawh thumna, state 14-a constituency 115-ah neih a ni a, vote 65.61% a tla
April 28-ah inthlan thawh lina neih a ni a, state pakuaa constituency 71-ah vote thlakin vote 64% a tla.
May 6-ah inthlan thawh ngana hi state pasarih-a constituency 51-ah neih a ni a, he inthlanah hian vote 62% a tla.
May 12-ah inthlan thawh rukna neih a ni a, state pasariha constituency 59-ah vote thlakin, vote 63% a tla.
April 18-ah inthlan thawh hnihna neih a ni a, state 13-a constituency 97-ah vote thlak a ni. Vote 67.84% a tla.
April 23-ah inthlan thawh thumna, state 14-a constituency 115-ah neih a ni a, vote 65.61% a tla
April 28-ah inthlan thawh lina neih a ni a, state pakuaa constituency 71-ah vote thlakin vote 64% a tla.
May 6-ah inthlan thawh ngana hi state pasarih-a constituency 51-ah neih a ni a, he inthlanah hian vote 62% a tla.
May 12-ah inthlan thawh rukna neih a ni a, state pasariha constituency 59-ah vote thlakin, vote 63% a tla.