Bengal inthlan : Central force company 725 dah lut dawn

Central Reserve Police Force’s (CRPF) director general Kuldiep Singh chuan nimin khan West Bengal assembly inthlanna neih turah venhim hna thawk turin sipai company 725 an dah lut dawn tih a sawi a, chung zinga company 415 chuan Bengal an thleng tawh tih a sawi bawk. 

Company pakhatah hian sipai 100 zel an awm dawn a, inthlan kaihhnawiha duty tura dah hi 70,000 chuang an tling dawn a ni. Sipai an thawn luh tur zinga company  350-370 vel bawr chu CRPF5 an ni dawn tih sawiin  Election Commission of India ruahmanna angin venhimna kalpui ṭul zualna hmuna sipai an indah dan turah thutlukna siam a ni dawn, a ti.

West Bengal assembly inthlan hi thawh riata neih a ni dawn a, March 27 hian a thawh khatna atana inthlanna chu an nei ang a, April 29 chu vote thlak tawp ni a ni dawn a, May 2-ah vote chhiar a ni thung ang. Election Commission chuan tun thla tir lam khan observer tura ruatte chu meeting a lo neihpui tawh bawk a, observer atan hian mi 1,600 chuang ruat an ni.