Trade union bul tumin lungawi lohna lantir dawn

Vawiin hian trade union 10 intelkhawmte chuan mipui duhdan kalh leh do zawnga sorkarin policy a siam duh lohna an lantir dawn a,  rampumah mi vaibelchhe 25 vel an tel an ring. 

Heng trade union 10 intel khawmte hi Indian National Trade Union Congress (INTUC), All India Trade Union Congress (AITUC), Hind Mazdoor Sabha (HMS), Centre of Indian Trade Unions (CITU), All India United Trade Union Centre (AIUTUC), Trade Union Coordination Centre (TUCC), Self Employed Women's Association (SEWA), All India Central Council of Trade Unions (AICCTU),  Labour Progressive Federation (LPF) leh United Trade Union Congress (UTUC)-te an ni. Sorkar laka lungawi lohna hi zirlai pawl 60 velin an ṭawiawm dawn bakah, university-a office bearer thlan bikte pawh an tel dawn thu tarlan a ni.

Jawaharlal Nehru University (JNU)-a thil tleng chungchanga leh university danga thil thlengte pawh an dem thu trade union intel khawm chuan an tarlang. January 2-a Ministry of Labour leh hnathawktute meeting-ah hnathawktute thil phut sorkarin a tihhlawhtlin sak theih loh vanga sorkar an dem thu an sawi bawk. Telecom-a hnathawk mi 93,600-te chu an hna aṭanga voluntary retirement scheme (VRS) hmanga chawlh tir an nih thu te, Air India privatise a nih dawn avang leh Bharat Petroleum Corp. Ltd (BPCL) pawh privatise a nih dawn avanga lungawi lohnate an lantir dawn a ni.