Nikum November hnuah hri kai tam ber ni thleng leh
Covid-19 hri leng thawh hnihna chu India ramah a thleng mek nia sawi a ni a, hri kai an pun chak chho leh hle. Ningani khan ram pumah hri kai thar chu mi 39,726 an awm belh leh a, hei ni nikum November 29 hnua ni khata hri kai tar an tam ber ṭum a ni.
Ningani khan hri vanga thi hi mi 154 an awm bawk. Ram puma Covid-19 hri kai tawh zawng zawng hi mi 1,15,14,331 an tling tawh a, he hri thihpui hi mi 1,59,370 an awm tawh bawk. Hri kai thar tam zualna state-te chu Maharashtra, Punjab, Kerala, Karnataka leh Gujarat-te an ni tih union health ministry chuan a tarlang.
Nilaini leh Ningani kha hun rei tak hnua ram pumah hri kai thar mi 30,000 chuang an awm lehna chiah a ni a, kar liam ta aṭang khan hri kai thar hi mi 20,000 an rawn kai chho ṭan bawk a ni. Nikum kum tawp lam aṭang khan India rama Covid-19 hri leng hian ziaawm lam a pan chho a, mahse tun hnaiah hri kai thar hi an rawn pung chho leh ta a ni.
Maharashtra-ah hri kai an tam
India rama Covid-19 hri len ṭantirh aṭanga hri kai tam berna state Maharashtra-ah hri kai an pung chak leh hle tawh a, Ningani khan hri kai thar mi 25,883 an awm a, hei hi nikum September 11-a hri kai mi 24,886 an awm hnua hri kai tam ber leh ni a ni.
India rama Covid-19 hri len ṭantirh aṭanga hri kai tam berna state Maharashtra-ah hri kai an pung chak leh hle tawh a, Ningani khan hri kai thar mi 25,883 an awm a, hei hi nikum September 11-a hri kai mi 24,886 an awm hnua hri kai tam ber leh ni a ni.
Kumin February 9 thleng kha chuan Maharashtra-ah hian nitina hri kai thar mi 3,000 aia tlem lo an awm ziah a, mahse ni 40 liam ta aṭang khan hri kai thar hi an pung chho chak leh sawt hle. Ningani khan Punjab-ah hri kai thar mi 2,369, Karnataka-ah mi 1,488, Gujarat-ah mi 1,276, Tamil Nadu-ah mi 989, Madhya Pradesh-ah mi 917 leh Haryana-ah mi 633 an awm bawk a, hei hi an state ṭheuhah kumina ni khata hri kai thar an tam ber ni a ni vek bawk.
Punjab-a district pakuaah night curfew pawtsei
Hripui leng thawh hnihna in a nuai mek Punjab-ah hri kai thar mi 2,000 chuang an awm leh tak avangin, nimin khan an state sorkar chuan hri kai thar 100 chuang awmna district pakuaahte night curfew pawhsei a nih thu a tarlang.
Hripui leng thawh hnihna in a nuai mek Punjab-ah hri kai thar mi 2,000 chuang an awm leh tak avangin, nimin khan an state sorkar chuan hri kai thar 100 chuang awmna district pakuaahte night curfew pawhsei a nih thu a tarlang.
Heng district pakuate hi Ludhiana, Jalandhar, Patiala, Mohali, Amritsar, Gurdaspur, Hoshiarpur, Kapurthala leh Ropar-te anni a, a hma khan zan dar 11 aṭanga zing dar 5 thleng night curfew puan a ni a, mahse hri leng thawh hnihna a thlen chhoh leh tak avangin zan dar 9 aṭanga zing dar 5 thleng pawhsei a ni ta a ni.
Vaccine la vbc 3.89 awm tawh
Union health ministry chuan Ningani thlenga ram puma Covid-19 vaccine la tawh zawng zawng chu mi vaibelchhe 3,89,20,259 an nih tawh thu a tarlang.
Union health ministry chuan Ningani thlenga ram puma Covid-19 vaccine la tawh zawng zawng chu mi vaibelchhe 3,89,20,259 an nih tawh thu a tarlang.
Vaccine dose khatna pekchhuah hi health care worker 76,19,786 ten an la a, dose hnihna pekchhuah hi health care worker 46,92,962 ten an la tawh bawk. Frontline health worker 78,11,126 ten vaccine dose khatna an la ve tawh bawk a, dose hnihna pawh frontline health worker 21,50,198-in an la thawh bawk. Anni bakah hian March thla tir aṭang khan kum 60 chunglam hnenah vaccine pekchhuah ṭan niin, kum 60 chunglam pekchhuah tawh hi mi 1,39,18,245 an awm tawh bawk.
Vaccine dose nuai 23 chuang hman tlak loh
Covid-19 vaccine dose vaibelchhe sarih chuang sem chhuah tawh a ni a, heng zinga nuai 23 chuang chu hmantlak loa a chhiat thu health official-te chuan an tarlang a, heng hmantlak lohte hi vaccine semchhuah tawh aṭanga 6.5% a tling pha.
Covid-19 vaccine dose vaibelchhe sarih chuang sem chhuah tawh a ni a, heng zinga nuai 23 chuang chu hmantlak loa a chhiat thu health official-te chuan an tarlang a, heng hmantlak lohte hi vaccine semchhuah tawh aṭanga 6.5% a tling pha.
Ram chhunga Covid-19 vaccine semchhuah a nih aṭang nimin kha ni 62 na chiah a ni. Vaccine la tawh zingah hri kai an awm leh tho a, heng bakah hian vaccine lak avanga dam lo phahte pawh sawi tur an awm zeuh zeuh bawk.