Sorkar school 42,000 chuangin water supply nei lo

Union education minister Ramesh Pokhiryal chuan ram chhunga sorkar school nuai 10.8  zingah school 42,000 chuangin  tui thianghlim in tur, drinking water supply an nei lo a, school 15,000 in inthiarna, toilet an nei lo bawk tih Rajya Sabha inkhawmah a sawi. 

Minister hian Ningania rorel inkhawma zawhna a chhannaah hei hi sawiin, state leh UT sorkarte hnenah school zawng zawng, sorkar school bakah non-government sector hnuaia private, aided school leh a dangte pawh mipa leh hmeichhiate tana toilet hran neih vek tur te, zirlai naupangte atan tui thianghlim in tur neih tir vek turin hrilh an ni fo a ni, a ti. 

Unified District Information System for Education (UDISE) data aṭanga a lan danin, ram chhungah sorkar school 10,83,747 an awm a, heng zinga 10,41,327 chuan an school-ah drinking water facility an nei a, school 10,68,726-ten toilet an nei vek bawk a ni, tiin minister chuan a sawi.