PM Modi leh HM Amit Shah-te Bengal-ah campaign
Prime minister Narendra Modi leh union home minister Amit Shah-te chu nimin khan West Bengal-a assembly inthlan neih turah BJP atan an campaign. Nimin vek khan chief minister Mamata Banerjee chu an party, Trinamool Congress (TMC) tan campaign-in rally pathumah thu a sawi.
PM Modi chuan Inrinni khan Kharagpur-a election rally-ah thu sawiin, TMC hruaitu Mamata Banerjee leh a kaihhruai sorkar chu na takin a bei. Modi chuan Mamata Banerjee chuan Bengal mipuite hamṭhatna tura sorkar laipui scheme siamte chu lo dan sak tlatah a puh. Nimin khan PM hian Bankura rally-ah thu a sawi leh bawk a, Modi hian BJP tana campaign-in West Bengal-ah hian rally 20 vel neih a tum a ni.
Home minister Amit Shah chuan nimin khan Purba Medinipur district-ah rally hmanpuiin, chawhnu lamah Mecheda-ah party worker-te meeting a neihpui. Hemi hnu, tlai dar 5;30 khan Kolkata-ah inthlan lo awm tur atana an party manifesto a tlangzarh zui nghal bawk. Rally neihnaah hian Amit Shah chuan CM Banerjee chu 'appeasement policy' chungchangah na takin a sawisel a, BJP-in sorkarna a chan chuan sakhaw tihdan phungah tumah khuahkhirhna siamsak an ni lo ang, a ti. TMC sorkarna hnuaiah Bengal-a school zirtirtute chu 'saraswati puja' an hmang vangin kut thlak a ni tih Amit Shah chuan a sawi.
Didi-in PM CARES sum hmanna zawt
West Bengal chief minister Mamata Banerjee chuan prime minister Narendra Modi kaihhruai BJP sorkarin hripui leng dona tur mipuiten PM CARES-a sum tam tak an thawhkhawm chu a hman dan a zawt.
Haldia-a rally a neihnaah PM Modi-a an beihna chu chhang letin, CM Banerjee chuan BJP-in anmahni tan mipuite sum thawh khawm an hmang niin a puh. "Modi chuan Covid dona turin sum tam tak a nei a, mahse PM CARES fund-te kha khawiah ngei an kal zawh tak?" tia zawt letin, BJP chu mipui sum chhuhsaktu dik tak zawk a ni, a ti.
BJP chuan politics kalphung dik tak hmangin an hmachhawn ngam lo niin Didi chuan a sawi a, hei vang hian dik lo taka thiltiin sum hmangin vote lei tur an zawng a, ṭhenkhatte an man bawk a ni, a ti. "Tunge kan biak ang a, eng nge kan ei ang tih thlengin min thunun an tum. India chuan Bengal hi a thlir reng a, Bengal aṭanga paihchhuah an nih hnuah, state dangah pawh hetiang bawk hi an chan tur a ni," tiin BJP chu na takin a bei.
PM Modi chuan Inrinni khan Kharagpur-a election rally-ah thu sawiin, TMC hruaitu Mamata Banerjee leh a kaihhruai sorkar chu na takin a bei. Modi chuan Mamata Banerjee chuan Bengal mipuite hamṭhatna tura sorkar laipui scheme siamte chu lo dan sak tlatah a puh. Nimin khan PM hian Bankura rally-ah thu a sawi leh bawk a, Modi hian BJP tana campaign-in West Bengal-ah hian rally 20 vel neih a tum a ni.
Home minister Amit Shah chuan nimin khan Purba Medinipur district-ah rally hmanpuiin, chawhnu lamah Mecheda-ah party worker-te meeting a neihpui. Hemi hnu, tlai dar 5;30 khan Kolkata-ah inthlan lo awm tur atana an party manifesto a tlangzarh zui nghal bawk. Rally neihnaah hian Amit Shah chuan CM Banerjee chu 'appeasement policy' chungchangah na takin a sawisel a, BJP-in sorkarna a chan chuan sakhaw tihdan phungah tumah khuahkhirhna siamsak an ni lo ang, a ti. TMC sorkarna hnuaiah Bengal-a school zirtirtute chu 'saraswati puja' an hmang vangin kut thlak a ni tih Amit Shah chuan a sawi.
Didi-in PM CARES sum hmanna zawt
West Bengal chief minister Mamata Banerjee chuan prime minister Narendra Modi kaihhruai BJP sorkarin hripui leng dona tur mipuiten PM CARES-a sum tam tak an thawhkhawm chu a hman dan a zawt.
Haldia-a rally a neihnaah PM Modi-a an beihna chu chhang letin, CM Banerjee chuan BJP-in anmahni tan mipuite sum thawh khawm an hmang niin a puh. "Modi chuan Covid dona turin sum tam tak a nei a, mahse PM CARES fund-te kha khawiah ngei an kal zawh tak?" tia zawt letin, BJP chu mipui sum chhuhsaktu dik tak zawk a ni, a ti.
BJP chuan politics kalphung dik tak hmangin an hmachhawn ngam lo niin Didi chuan a sawi a, hei vang hian dik lo taka thiltiin sum hmangin vote lei tur an zawng a, ṭhenkhatte an man bawk a ni, a ti. "Tunge kan biak ang a, eng nge kan ei ang tih thlengin min thunun an tum. India chuan Bengal hi a thlir reng a, Bengal aṭanga paihchhuah an nih hnuah, state dangah pawh hetiang bawk hi an chan tur a ni," tiin BJP chu na takin a bei.