Union defence minister-in Light Combat Helicopter tlangzarh

Union defence minister Rajnath Singh chuan Bengalu-ru-a Hindustan Aeronautics Limited (HAL) hmunah, Light Combat Helicopter (LCH) chu a tlangzarh.

LCH hi indo helicopter a ni a, engine chak ṭha tak pahnih a hmang bawk a, ke pathum (3-wheeled landing gear) a nei tel bawk. LCH pilot helmet-ah hian machine gun control dah tel a ni a, hei hi pilot-in a hawina aṭanga awlsam taka a kah theihna tura duan a ni. Anti-tank missile emaw rocket 4 a phur tel bawk a, a helicopter pumpui hi electronic warfare suit-a ṭha taka thuam vek a ni bawk. 

Indian Army leh Indian Navy-te hman tura duan LCH design-tu leh siamchhuaktute hi Rotary Wing Research and Design Center (RWR&DC) leh Hindustan Aeronautics Limited (HAL)-te an ni. India Army hian tunah hian indo helicopter atan India siam light helicopter Rudra an hmang mek a, Navy-te hian Russia siam Mi-25, Mi-35 leh Apache an hmang thung.

Ton 5.5-a rit LCH hi India ah chuan sea level aṭanga metre 4700-a sang, Siachen-a forward base-ah a ṭum hmasa ber a ni. LCH hian kum 2017 August 26 khan initial operation clearance (IOC) a hmu bawk.