UP CM-in A cabinet minister a bân

Uttar Pradesh Chief Minister Yogi Adityanath chuan nimin khan a cabinet minister OP Rajbhar chu Bharatiya Janata Party (BJP) sawiselna lam hawi thu a sawi avangin minister aṭangin a ban. Chief Minister Adityanath-a hian Suheldev Bhartiya Samaj Party (SBSP) chief Rajbhar hi minister a nihna aṭanga ban nghal turin Governor hnenah rawtna a thlen a ni. Rajbhar hi minister for backward class welfare and 'divyangjan' empowerment a ni a, a hmain cabinet minister aṭanga a banna hi thehlut tawh mah se pawmsak a ni lo a ni. SBSP hotu Rajbhar hian Pathianni khan UP khawchhak lama Lok Sabha inthlanah Samajwadi Party - Bahujan Samaj Party thawkdun chuan BJP an hneh dawn tih a sawi a ni. "Tun ṭum inthlanah hian eng party mahin majority an nei pha lo ang. Mahse Purvanchal bialah chuan SP-BSP thawkdunin hnehna an chang ngei ang. Kan thlawpna tel lo chuan BJP hian Purvanchal-a seat 30-ah hnehna an chang pha lo ang", tiin a sawi a ni. BJP chuan Rajbhar chu an thawhdunna boruak tichhiaha a puh a, state BJP chief Mahendra Nath Panday chuan BJP chuan a thawhpuina chu zah takin a en vek a, mahse UP-a an thawhdunna thuthlung chu Rajbhar hian a bawhchhia a, party thawhdunna pawh a tiderthawng a ni a ti a, hei vang hian CM tan chuan minister  a nihna aṭanga ban tir mai a ngai ta a ni, a ti.