Rel ticket cancel aṭangin Rs vbch 5,366 hmuchhuak

Indian Railways chuan kum 2015 November thla aṭanga kumin March thla thleng khan rel ticket lak tawh, cancel leh avanga sum chawitir tlingkhawm aṭangin cheng vaibelchhe 5,366.53 an hmuchhuak. RTI  hmanga zawhna chhannaa a landanin, kum 2018-19 chhunga ticket cancel aṭanga sum hmuh hi kum hmasa aiin cheng vaibelchhe 646.54 zetin a pung. Kum 2017-18 chhunga cancellation charge aṭanga sum hmuh hi cheng vaibelchhe 1,205.96 a ni a, kum 2018-19-ah chuan cheng vaibelchhe1,852.50-ah a kaichho. Telangana, Andhra Pradesh, Maharashtra leh Madhya Pradesh state-ah ticket cancel aṭanga sum chawitir hi kum 2018-19 chhungin cheng vaibelchhe 690.80 a tling a, kum hmasa lam aia a punna hi 500% zet a tling.