Article 370 leh 35A ṭhiah a hun tawh : BJP leader

Jammu and Kashmir state hnena special status pekna, Constitution-a Article 370 leh state mipuite dikna chanvo humhalh sakna Article 35A chu Lok Sabha inthlan result nghah lai ni mah se ṭhiah a hun tawh takzet tih, Bharatiya Janata Party (BJP) leader Ravinder Raina chuan a sawi. Ravinder Raina chuan Article 370 leh 35A hmang hian politics lama thiltithei chhungkuate chuan Jammu and Kashmir leh an state mipuite chu an rawk a ni, a ti. Heng article-te hian inlakhran duhna leh firfiakna rilru a hrin chhuah avangin tihbo a hun tawh a ni, tiin a sawi. BJP hian an election manifesto-ah Article 370 leh 35A hi ṭhiah an tiam a, Jammu and Kashmir state hmasawnna daltu zawng zawngte chu nuaibo vek an tiam a ni. Article 35A hmang hian Jammu and Kashmir state mipuite chu hna lakna, ram neih leh chhawmdawlna pek kawnga an dikna chanvote state sorkarin a humhalh sak a, Article 370 hian special status pein, state sorkar chu an state inrelbawlna kawnga dan hran siam thei turin thuneihna a pe bawk a ni.