EAM Jaishankar leh Afghanistan foreign minister inkawm

External affairs minister (EAM) S Jaishankar leh Afghanistan foreign minister Mohammad Haneef Atmar-te chu Thawhṭanni khan New Delhi-ah inkawmin, ram pahnihte thawhdunna chungchang leh, Afghanistan tualchhung bourakte an sawidun. Haneet Atmar hi ni thum cham turin Thawhṭanni khan Delhi a rawn thleng a, EAM Jaishankar a hmu nghal a ni. Minister pahnihte hian security coorperation, regional connectivity leh, trade and investment lama ram pahnihten thawhdunna chak zawk an neih theih dan turte an sawi. External affairs ministry thupuangtu, Arindam bagchi chuan Jaishankar hian Afghanistan-a boruak ralmuang leh remna a awm theihna atan India-in theihtawp chhuah a tum zel thute pawh a lo hrilh tih a tarlang. Atmar hian a cham chhungin official hrang hrang a kawm dawn a, National Security Advisor Ajit Doval pawh a hmu dawn a ni.