India Gaganyaan Mission-a kal tur Austronaut-te'n training an zo

Gaganyaan Mission-a kal tur India austronaut palite chuan training an zo ta tih nimin khan tarlan a ni a, kum khat chhung training hi an nei a ni.India austronaut-te hian Russia khawpui Moscow bula  Zvyozdny gorodok city-ah training hi an nei a, February 10, 2020 khan training hi an nei ṭan a ni. Gaganyaan mission hi orbital spacecraft hmanga van boruaka mihring kah chhuahna tur mission niin an ruahmanna hmasaah chuan kumin December thla hian vansanga mihring kah chhuah hi an tum a, mahse hei hi tikhawtlaiin kum 2023 vela kah chhuah an tum zawk thu tarlan a lo ni tawh.Indian Space Research Organisation (ISRO) leh Russian launch service provider Glavcosmos chuan June, 2019 khan India officer-te training neihna tur hian inremna an siam a ni.Russian state space corporation head Dmitry Rogozin chuan Telegram channel-ah India austronaut-te'n trainig an zawh thu hi puangin India officer training neite hi Indian Air Force (IAF) pilot vek an ni a, Group Captain pakhat leh Wing Commander pathumin training hi an nei niin IAF chuan a tarlang.Gaganyaan project atan hian prime minister Narendra Modi chuan Rs vaibelchhe 10,000 a 'sanction' a ni.