CJI-in amah thlaktu atan Justice NV Ramana rawt

Chief justice of India (CJI) SA Bobde chuan April 23, 2021-a a hna aṭanga a chawlh hunah amah thlaktu atan justice NV Ramana a rawt. 

Justice Bode hi kum 2019, November thla khan Chief Justice of India 47-na atan lakluh niin, Justice (retired) Rajan Gogoi a thlak a ni. CJI kalchhuak turte hian tihdan phung angin, an chhuah hunah anmahni thlaktu atana an rawt hi sorkar laipuiah an thlen ṭhin a ni.

Bobde-a'n CJI thar atana a rawt, justice NV Ramana hi Supreme Court judge zingah Bobde dawta senior ber a ni. Kum 1957, August 27-ah piangin kum 2022, August 26-ah a pension ang. Justice NR Ramana hi kum 2000 June thla khan Andhra Pradesh High Court permanent judge atan ruat a ni a, Delhi High Court-ah chief justice a nih laiin kum 2014, February thla kha Supreme Court judge-ah hlankai a ni.