BJP-in Gandhi chungchang a sawi danah ngaihdam dil turin party MP hriattir

Bharatiya Janata Party (BJP) chuan an party MP Anantkumar Hegde chu Mahatma Gandhi chungchanga a thusawi danah  ngaihdam dil turin a hriattir. 

Union minister hlui, Kar­nataka MP Hegde hian kar liam ta kartawpa Bengaluru-a vantlang inkhawmnaa thu a sawiah, Mahatma Gandh kaihhruai India ram zalenna tura an beihna kha lemchanna mai chauh a ni, tiin a sawi. Freedom movement an kalpuite chu British ho remtihna leh thlawpna nen veka nei niin a sawi a ni. "Police-te kut pawh an tuar lo a, zalenna an sual dan kha lemchanna mai a ni. A taka bei an ni lo. Congress party thlawptute chuan heng mite beihna leh inpekna avangin India-in zalenna a hmu niin an sawi a, mahse hei hi a dik lo. British mite khan an nin tawh em avangin India ram zalenna a pe mai zawk a ni," tiin a sawi. 

Hegde thusawi hian BJP hotute pawh a tilungawi lo hle a, hetiang thu sawi tawh lo tura an duh thu leh, a thusawi avang hian ngaihdam dil turin an hriattir a ni.