Parliament in hnih rorel inkhawm titawp

Parliament in hnih, Rajya Sabha leh Lok Sabha-a budget session neih chu state pali leh Union Territory pakhata assembly inthlan neih a nih dawn avangin nimin khan titawp a ni.

Budget session thawh hnihna hi March 8 aṭang khan neih ṭan a ni a, ruahman lawk ang chuan April 8 thleng neih tur a ni. Mahse state/UT panga-ah assembly inthlan neih a nih dawn vangin MP eng emaw zat chuan parliamentary affairs minister Prahlad Joshi, Lok Sabha speaker Om Birla leh Rajya Sabha chairman M Venkaiah Naidu hnenah session hi titawp turin an lo ngen tawh a ni.  

Assembly inthlan hi March 27-April 29 inkar hian Tamil Nadu, West Bengal, Kerala, Assam leh Puducherry-ahte neih a ni dawn a, May 2-ah result puan a ni ang. Budget session thawh khatna hi January 29 khan neih ṭan niin, February 29 thleng neih a lo ni tawh a ni.