Nehru-a thih cham pualin zahna hlan

India Prime Minister hmasa ber, Jawaharlal Nehru thih cham vawi 55-na pualin nimin khan poli­tical party hruaitu hrang hrangten zahna an hlan. 

Jawaharlal Nehru hi kum 1947-a India inde­pendence hnua prime minister hmasa ber a ni a, he dinhmun hi kum 1964, May 27-a a thih thlengin a chelh a ni. 

Delhi-a Nehru-a thlan, Shantivan-ah Cong­ress president Rahul Gan­dhi, UPA chairperson Sonia Gandhi, PM hlui Manmohan Singh, Vice President hlui Hamid Ansari leh Congress hruai­tu hlun Motilal Vohra-te'n zahna an hlan. 

Prime Minister Na­rendra Modi pawhin a twitter-ah Nehru hi zahna hlanin, ram tana a hna lo thawh tawhte chu an hriatreng tur thu a sawi.