Andhra Pradesh CM atan YS Jagan lalut

YS Jaganmohan Reddy chu nimin khan Andhra Pradesh chief minister atan Governor E S L Narasimhan chuan rinawmna thu tiam tirin a lalut.

Lakluh inkhawm hi Indira Gandhi Municipal International Stadium-ah neih a ni a, Telangana Chief Minister K Chandrasekhara Rao leh DMK president M K Stalin-te pawh an tel. YS Jaganmohan hi CM atan lakluh ni mah se a cabinet minister-te chu June 7 khian rinawmna thu tiam tira lakluh an ni chauh ang. 

Kum 46 mi YS Jaganmohan Reddy-a party, Yuvajana Sramika Raithu Congress Party chuan AP state assembly inthlanah khan hnehna changin, seat 175-ah seat 151 zet an la a ni.