J&K-ah firfiakte'n CRPF pahnih an that

Jammu and Kashmir-a Srinagar khawpui bulah Ningani chawhnu lamah khan firfiakte'n Central Reserve Police Force (CRPF) lirthei silaiin an lo kap a, sipai pahnih an thih bakah midang pahnih an hliam.

Hliam pakhat zawk chu a dinhmun a ṭha lo hle nia tarlan ni bawkin, inbeihna thlenna hmun hi Srinagar-Baramulla national highway, Lawaypora-ah a ni.

Police-te chuan fir­fiakte'n CRPF lirthei chu nasa takin an lo kap tih an sawi a, a chhunga chuang CRPF palite chu silaiin an kap fuh vek tih leh damdawi-inah hruai nghal an nih thu an sawi a, mahse pahnih chu an hliam tuar loin an thi ta a ni, an ti.

An chhui zui nghal tih Police-te chuan sawiin sipai lo lambuntute chu Lashkar-e-Toiba firfiak pawl nena inkungkaihna nei ngei nia an hriat thu an sawi bawk.