Delhi-ah AAP leh Congress thawkdun dawn lo

Delhi Chief Minister Arvind Kejriwal-a chuan Congress president Rahul Gandhi chuan Lok Sabha inthlan neih turah Delhi-a Aam Aadmi Party (AAP) nena thawhdun chu a duh lo niin a sawi. 

AAP hruaitu hian tun hnaiah Gandhi hi a kawm a, Congress hruaitu hian AAP nena thawhdun hi a lo hnial tih a sawi a ni. 

Congress Delhi unit president Sheila Dikshit-in party pahnihte thawhdun dan tur chungchangah Kejriwal hian engmah a sawipui lo nia a sawi chu chhangin, chief minister chuan Rahul Gandhi hi a hmu a, a tawk maia a ngaih thu a sawi a, Dikshit chu hruaitu pawimawh a ni ve lo a ni, a ti. 

Kejriwal-a hian inthlanpui neih turah BJP hi thuneihna a chan tur dang turin Delhi-ah Congress chu thawhpui turin a lo sawm tawh a, mahse party pahnih thawhdun chungchangah hian Delhi unit Congress hruaitute ngaihdan an in ang thei lo a ni. Dikshit-i leh working president dang pathumte chuan thawhdun hi an duh lo nia sawi a ni.